Skip to main content

Advertisement

அடர்ந்த காட்டுக்குள் 2 மாத குழந்தையுடன் 15 வயது சிறுமி மீட்பு - 4 மாதத்திற்கு முன் காணாமல் போனவருக்கு என்ன நடந்தது?

அறிவிப்பு: இந்தக் கட்டுரையில் உள்ள தகவல்கள் BBC-யின் RSS ஊட்டத்திலிருந்து பெறப்பட்டவை. இந்த உள்ளடக்கத்திற்கான அனைத்து உரிமைகளும் BBC-க்கு சொந்தமானவை. அசல் கட்டுரையைப் படிக்க இங்கே கிளிக் செய்யவும்.
அடர்ந்த காட்டுக்குள் 2 மாத குழந்தையுடன் 15 வயது சிறுமி  மீட்பு - 4 மாதத்திற்கு முன் காணாமல் போனவருக்கு என்ன நடந்தது?
SpecialArrangements

இலங்கையில் நான்கு மாதங்களுக்கு முன் காணாமல் போன 15 வயது சிறுமி அடர்ந்த காட்டுக்குள் 2 மாத கைக்குழந்தையுடன் மீட்கப்பட்டுள்ளார்.

நக்கிள்ஸ் மலைத்தொடரின் அடர்ந்த வனப்பகுதியில், பாறைகளுக்கு இடையே பிளாஸ்டிக் தார்ப்பாய்களால் மூடப்பட்ட இடத்தில் இருந்த அவரை இலங்கை காவல்துறையினர் மீட்டுள்ளனர்.

இந்தச் சம்பவம் தொடர்பாக 23 வயது இளைஞரும் அவருக்கு உதவியதாகக் கூறப்படும் 36 வயது நபரும் கைது செய்யப்பட்டுள்ளனர்.

என்ன நடந்தது?

நான்கு மாதங்களாக தொடர்ந்த தேடுதல்

இலங்கையின் நக்கிள்ஸ் மலைத்தொடரின் மேற்குச் சரிவுக்கு அருகிலுள்ள மீமுரே, கந்தகெட்டிய பகுதியில் வசித்து வந்த 15 வயது சிறுமி ஒருவர் காணாமல் போயிருந்தார். அதுதொடர்பாக அவரது குடும்பத்தினர் ஜூலை 13ஆம் தேதி உடுதும்புர காவல் நிலையத்தில் முறைப்பாடு செய்திருந்தனர். இதையடுத்து காவல்துறையினர், குடும்ப உறுப்பினர்கள் மற்றும் நண்பர்கள் இணைந்து சிறுமியைத் தேடியபோதிலும் அவரைக் கண்டறிய முடியவில்லை.

உடுதும்புர காவல் நிலையப் பிரதான பொறுப்பதிகாரி துசித தொம்பகம்மனவின் தலைமையில் சிறப்பு விசாரணைகள் முன்னெடுக்கப்பட்டன. சிறுமி வழக்கமாகச் செல்லும் இடங்கள், அவருடன் தொடர்பில் இருந்த நண்பர்கள் உள்ளிட்ட பல்வேறு வழிகளில் விசாரணைகள் முன்னெடுக்கப்பட்ட போதிலும், நான்கு மாதங்களாக அவரைப் பற்றிய எந்தவொரு தகவலும் கிடைக்கவில்லை.

இலங்கையில் காணாமல் போன சிறுமி கைக்குழந்தையுடன் மீட்பு
The British Broadcasting Corporation

துப்பு துலங்கியது எப்படி? காவல்துறை அளித்த தகவல்

இந்நிலையில், அப்பகுதியிலுள்ள கடையொன்றில் இருந்து வழக்கத்தைவிட அதிகளவான அரிசி மற்றும் உணவுப் பொருட்களைத் தினமும் எடுத்துச் சென்ற இளைஞர் ஒருவர் தொடர்பில் காவல்துறையினருக்குத் தகவல் கிடைத்துள்ளது. கிராமத்தினர் வழங்கிய இந்தத் தகவலின் அடிப்படையில், குறித்த இளைஞரின் நடமாட்டத்தைக் காவல்துறையினர் தொடர்ந்து கண்காணித்து வந்தனர்.

நவம்பர் 14ஆம் தேதி, அந்த இளைஞர் அரிசியுடன் ஆள் நடமாட்டமற்ற காட்டுப்பகுதியை நோக்கிச் சென்ற போது, அவர் மீதான சந்தேகம் மேலும் அதிகரித்தது.

இதையடுத்து அவரைப் பின்தொடர்ந்த காவல்துறையினர், மீமுரே கிராமத்திலிருந்து சுமார் ஐந்து கிலோமீற்றர் தொலைவிலுள்ள நக்கிள்ஸ் மலைத்தொடரின் மேற்குச் சரிவுப் பகுதியில் அமைந்துள்ள அடர்ந்த காட்டுப்பகுதியைச் சென்றடைந்தனர்.

அங்கு பிளாஸ்டிக் தார்ப்பாய்களால் மூடப்பட்ட பாறைகளுக்கு நடுவே, இரண்டு மாதப் பெண் குழந்தையுடன் சிறுமி ஒருவர் வசித்து வந்ததைக் கண்டறிந்தனர். அந்தச் சிறுமி, நான்கு மாதங்களுக்கு முன்பு காணாமல் போனதாக முறைப்பாடு செய்யப்பட்ட 15 வயது சிறுமி என்பதை காவல்துறையினர் உறுதிப்படுத்தினர்.

காவல்துறையினர் அந்த இடத்தைச் சுற்றிவளைத்தனர். உணவுப் பொருட்களை அந்த இடத்துக்கு எடுத்துச் சென்ற 23 வயது இளைஞர் கைது செய்யப்பட்டார். சிறுமியும் இரண்டு மாதப் பெண் குழந்தையும் காவல்துறையினரால் பாதுகாப்பாக மீட்கப்பட்டு அழைத்துச் செல்லப்பட்டனர்.

இந்தச் சம்பவத்துடன் தொடர்புடையதாகக் கூறப்படும், குறித்த இளைஞருக்கு உதவியதாக 36 வயது நபர் ஒருவரையும் உடுதும்புர காவல்துறையினர் கைது செய்துள்ளனர்.

இலங்கையில் நான்கு மாதங்களாகக் காணாமல் போயிருந்த 15 வயது சிறுமி, இரண்டு மாதக் குழந்தையுடன் காட்டுக்குகையில் மீட்பு!
SpecialArrangements

'காட்டுக்குள்ளேயே பிரசவம்'

காவல்துறையினரின் பாதுகாப்பில் எடுக்கப்பட்ட சிறுமி மற்றும் 23 வயது இளைஞரிடம் மேற்கொள்ளப்பட்ட விசாரணைகளில், காட்டுக்குள் அந்த இடத்திலேயே மருத்துவ உதவிகள் எதுவும் இன்றி பிரசவிக்கப்பட்டமை தெரியவந்துள்ளது.

பிரசவத்தின் போது தேவையான அனைத்து உதவிகளையும் தானே செய்ததாகவும், பிரசவத்திற்குப் பின்னர், கிதுல் பனைத் தொழிலுக்குப் பயன்படுத்தப்படும் கூர்மையான ஆயுதம் ஒன்றினால் குழந்தையின் தொப்புள்கொடி வெட்டப்பட்டதாகவும் இளைஞர் கூறியதாக காவல்துறையினர் தெரிவித்துள்ளனர்.

சிறுமி மீட்கப்பட்ட கற்குகையில் சமையலுக்கு பயன்படுத்தப்பட்ட பாத்திரம்.
SpecialArrangements
சிறுமி மீட்கப்பட்ட கற்குகையில் சமையலுக்கு பயன்படுத்தப்பட்ட பாத்திரம்.

கண்டி தேசிய வைத்தியசாலைக்கு சிறுமி அனுப்பிவைப்பு

காவல்துறையினரால் மீட்கப்பட்ட இரண்டு மாதப் பெண் குழந்தையும், 15 வயது சிறுமியும் மருத்துவப் பரிசோதனைகள் மற்றும் மேலதிக சிகிச்சைகளுக்காக கண்டி தேசிய வைத்தியசாலைக்கு அனுப்பி வைக்கப்பட்டுள்ளனர்.

இந்தச் சம்பவம் தொடர்பாகக் கைது செய்யப்பட்ட 23 வயது இளைஞரும், அவருக்கு உதவியதாகக் கூறப்படும் 36 வயது உறவினரும் தெல்தெனிய நீதவான் நீதிமன்றத்தில் ஆஜர்படுத்தப்பட்டனர்.

இருவரையும் நவம்பர் 20ஆம் தேதி வரை மேலதிக விசாரணைகளுக்காக விளக்கமறியலில் வைக்குமாறு நீதிமன்றம் உத்தரவிட்டுள்ளது.

தேசிய வைத்தியசாலை அமைந்துள்ள இலங்கையின் கண்டி
Getty Images
தேசிய வைத்தியசாலை அமைந்துள்ள இலங்கையின் கண்டி

சமூக ஊடகங்களில் விமர்சனம்

இந்தச் சம்பவம் இலங்கையின் சமூக ஊடகப் பயனர்கள் மத்தியில் பரவலாகப் பேசப்பட்டு வருகிறது.

15 வயது சிறுமி ஒருவர் தாயாகியுள்ளமை, மருத்துவ உதவிகளின்றி பாதுகாப்பற்ற காட்டுப்பகுதியில் குழந்தையை பிரசவித்தமை மற்றும் தாயும் குழந்தையும் அங்கேயே தங்க வைக்கப்பட்டிருந்தமை தொடர்பில் ஒரு தரப்பினர் கடுமையான விமர்சனங்களை முன்வைத்து வருகின்றனர்.

இவ்வாறான செயல்கள் தண்டனைக்குரிய குற்றங்கள் என அவர்கள் சமூக ஊடகங்களில் கருத்துகளைப் பகிர்ந்து வருகின்றனர்.

அதே சமயத்தில், குழந்தை பிரசவிக்கப்பட்டு ஏதோ ஒரு வகையில் தாயும் சேயும் பாதுகாக்கப்பட்டு வந்துள்ளமை ஓரளவு நிம்மதி தரும் விஷயம் என்று ஒரு சிலர் கூறியுள்ளனர்.

- இது, பிபிசிக்காக கலெக்டிவ் நியூஸ்ரூம் வெளியீடு

RAAGA Aaha Siranta Isai!