_{நாட்டின் வளர்ச்சிக்கு அஸ்திவாரமாக விளங்கும் ஒற்றுமையை நாட்டு மக்கள் பேண வேண்டும்!}

_{சுதந்திரம் என்பது சுலபமாகப் பெறப்பட்ட ஒன்றல்ல;}

_{அது முந்தையத் தலைமுறையினரின் தியாகங்களால் சாத்தியமான ஒன்று என பிரதமர் நினைவுக்கூர்ந்துள்ளார்.}

_{அதே சமயம் சுதந்திரம் அடைந்த நாடு, முடிவுகளைச் சுயமாகத் தீர்மானிக்கும் உரிமையையும், சுயமரியாதைக் கொண்ட மக்களையும் கொண்டிருப்பதோடு, இறையாண்மை மிக்க நாடாகவும் விளங்குவதே என பிரதமர் வலியுறுத்தினார்.}

_{இன்று நாடளவில் 69 வது தேசிய தினம் மிக விமரிசையாகக் கொண்டாடப்படுகிறது.}

_--

_{இதனிடையே, 2026 தேசிய தினத்தை முன்னிட்டு, நேற்று நிகழ்ந்த பிரதமர் உரையில்  BUDI95 அடிப்படை ஒதுக்கீடு உட்பட 6 முன்முயற்சிகளை, பிரதமர் அறிவித்துள்ளார்.}

_{பிக்கப் டிரக்குகள், ஜீப்கள் மாதிரியான டீசல் பயன்படுத்தும் வாகனங்களின் தகுதிபெறும் உரிமையாளர்கள், மாதத்திற்கு 400 லிட்டர் வரை BUDI டீசல் மானியத்தைப் பெறுவார்கள்.}

_{மக்களின் வாழ்க்கைச் செலவீன அழுத்தத்தைக் குறைக்கும் வகையில்,அது நாளை முதல் அமலுக்கு வரும் என பிரதமர் கூறினார்.}

_{மற்ற முன்முயற்சிகளில், அனைத்து வகையான பள்ளிகளின் பராமரிப்புக்கான நிதி ஒதுக்கீடு 1.5 பில்லியன் ரிங்கிட்டாக உயர்த்தப்பட்டுள்ளது.}  

_{மேலும், இளைஞர்களுக்காக “AI for Rakyat” திட்டமும் திறக்கப்பட்டுள்ளது.}  

_--

_{சீனாவில் 36 மலேசியர்களும் நேபாளத்தில் 55 மலேசியர்களும் இன்னும் தொடர்பு கொள்ள முடியாத நிலையில் இருப்பதை Wisma Putra உறுதி செய்துள்ளது.}  

_{சீனா Gyirong துறைமுக மண்சரிவில் காணாமல் போன 3 மலேசியர்களும், அந்த 36 பேரின் எண்ணிக்கையில் உள்ளவர்கள் என்பதையும் அது தெளிவுப்படுத்தியுள்ளது.}  

_{முன்னதாக, நேபாளத்திற்கு 1 மில்லியன் டாலர் நிதியுதவி வழங்கப்படும் என பிரதமர் அறிவித்திருந்தார்.}  

_{மேலும், தேடல் மற்றும் மீட்பு பணிகளுக்கு உதவ SMART குழுவை நேபாளத்திற்கு அனுப்பவும் அரசாங்கம் முடிவு செய்துள்ளது.}

_--

_{சுற்றுச்சூழல் துறையின் ஆகக் கடைசி தகவல் படி, சரவாக்கில் செரியன், சமரஹான், ஸ்ரீ அமன், கூச்சிங் என 4 பகுதிகளில் API குறியீடு 300க்கும் அதிகமான அபாயகரமான அளவில் பதிவாகியுள்ளது.}  

_{Sarikei, Sibu Muka ஆகிய பகுதிகளில் காற்றின் தரம் மிகவும் ஆரோக்கியமற்ற அளவில் உள்ளது.}  

_{இதனிடையே, சரவாக், சபா, லாபுவான், பேராக், கெடா, பினாங்கு மாநிலங்களை உள்ளடக்கிய 14 பகுதிகளில் API குறியீடு ஆரோக்கியமற்ற அளவில் இருக்கிறது.}